Espaços abertos para umha nova cultura. Guia de centros sociais da Galiza

Autoría: Irene Cancelas Sánchez

O livro adentra-se nos 21 centros sociais actualmente abertos na Galiza através de diferentes reportagens em que aborda o seu desenvolvimento, actualidade e características. Acompanha-se de entrevistas a representantes de cada um dos centros a partir de umha bateria comum de perguntas para dar voz aos próprios locais na sua apresentaçom perante o público leitor. E integra dados técnicos de interesse como os horários de abertura, endereços, formas de contacto ou serviços oferecidos. Concebem-se estes novos locais como «instrumentos sólidos e tangíveis, ferramentas de descolonizaçom activa e focos intransigentes para a defesa do idioma», conformando-se em «elementos revolucionários desde a sua própria concepçom, propiciadores de umha nova e necessária cultura para as comunidades que acolhe. Referentes carregados de ideias e fomentadores da integraçom em positivo».